Author: Team YuvaDisha

आदिवासी समाज आणि संस्कृतीचे संवर्धन शासनाची सर्वोच्च प्राथमिकता -आदिवासी विकास मंत्री प्रा.डॉ.अशोक उइके जळगाव, दि.१७ : आदिवासी समाज हा अतिशय प्रामाणिक, विश्वासू आणि आपल्या समृद्ध संस्कृतीचा पाईक आहे. आदिवासी समाज आणि संस्कृतीचे संवर्धन शासनाची सर्वोच्च प्राथमिकता असून आदिवासी विकास विभागाच्या माध्यमातून आदिवासी समाज कोणत्याही शासकीय योजनांपासून वंचित राहणार नाही, असा विश्वास आदिवासी विकास मंत्री प्रा.डॉ.अशोक उइके यांनी व्यक्त केला. ‘सेवा संकल्प अभियानांतर्गत’ जामनेर तालुक्यातील पहूर येथे आदिवासी विकास विभागाच्या व यावल एकात्मिक आदिवासी विकास प्रकल्प यांच्या संयुक्त विद्यमाने ‘माळी समाज मंगल कार्यालय’ येथे भव्य आदिवासी लाभार्थी मार्गदर्शन मेळावा आयोजित करण्यात आला होता. यावेळी उपस्थित आदिवासी समाज बांधवांना मार्गदर्शन करताना मंत्री…

शासकीय वैद्यकीय महाविद्यालय व रुग्णालय,जळगाव येथे राष्ट्रीय मुलनिवासी बहुजन कर्मचारी संघाचे बेमुदत धरणे आंदोलन…. राष्ट्रीय मुलनिवासी बहुजन कर्मचारी संघ आरोग्य शाखा जळगाव जिल्ह्याच्या वतीने शासकीय वैद्यकीय महाविद्यालय व रुग्णालय जळगाव येथे दि.१२ ऑक्टोबर पासुन बेमुदत धरणे आंदोलन करण्यात येत आहे. या मागण्यांसाठी बेमुदत धरणे आंदोलन सुरु आहे. १) कंत्राटी पद्धतीने भरती रद्द करण्यात येऊन तात्काळ सरळसेवेने पदभरती करण्यात यावी. २)पदभरतीतील ८०:२० ची अन्यायकारक अट रद्द करावी. ३)सर्व पात्र कर्मचाऱ्यांना तात्काळ पदोन्नती देण्यात यावी. ४)CNE रजिस्ट्रेशन ची सक्तीची अट रद्द करण्यात यावी. ५)९००० रु.नर्सिंग भत्ता तात्काळ लागु करण्यात यावा. ६) परिचर्या संवर्गातील सर्व पदनामे केंद्र सरकारच्या धर्तीवर सुधारित करुन अद्ययावत करण्यात…

पहूर येथे १७ ऑक्टोबरला आदिवासी लाभार्थी मार्गदर्शन मेळावा आदिवासी विकासमंत्री डॉ.अशोक उईके विविध योजनांची माहिती, गुणवंत विद्यार्थ्यांचा सन्मान आणि शिक्षकांना नियुक्तिपत्रांचे वाटप जळगाव, दि.१6 : आदिवासी समाजातील पात्र लाभार्थ्यांपर्यंत शासकीय योजनांची माहिती पोहोचवून त्यांना योजनांचा लाभ मिळवून देणे आणि तडवी-भिल्ल समाजासह आदिवासी समाजाच्या सर्वांगीण विकासासाठी विविध योजनांची माहिती आणि मार्गदर्शन एकाच ठिकाणी उपलब्ध करून देण्याच्या उद्देशाने ‘सेवा संकल्प अभियानांतर्गत’ शनिवार, १७ ऑक्टोबर रोजी सकाळी ११ वाजता जामनेर तालुक्यातील पहूर येथे भव्य आदिवासी लाभार्थी मार्गदर्शन मेळावा आयोजित करण्यात आला आहे. राज्य शासनाच्या आदिवासी विकास विभागाच्या व एकात्मिक आदिवासी विकास प्रकल्प, यावल यांच्या संयुक्त विद्यमाने हा मेळावा ‘माळी समाज मंगल कार्यालय येथे…

पंडित दीनदयाळ उपाध्याय विश्वविक्रमी रोजगार महाकुंभ विकास विद्यालयात संपन्न शहादा : शहादा तालुका एज्युकेशनल सोसायटी व को-ऑप. एज्युकेशनल सोसायटी संचालित विकास विद्यालयात पंडित दीनदयाळ उपाध्याय विश्वविक्रमी रोजगार महाकुंभाचे आयोजन करण्यात आले. शासकीय औद्योगिक प्रशिक्षण संस्था यांच्या वतीने उपक्रम राबवण्यात आला.महाराष्ट्र शासनाच्या कौशल्य, रोजगार, उद्योजकता व नाविन्यता विभागाच्या वतीने आयोजित करण्यात येणाऱ्या महाकुंभरोजगार मेळाव्याच्या पार्श्वभूमीवर नोंदणीकृत उमेदवारांसाठी रोजगार अभिमुखता व रोजगारपूर्व तयारी प्रशिक्षण कार्यक्रमाचे आयोजन करण्यात आले. या उपक्रमाला IMRD महावियाला, विज्ञान वरिष्ठ महाविद्यालय,वसंतराव नाईक महाविद्यालयातील विद्यार्थ्यांचा उत्स्फूर्त प्रतिसाद मिळाला असून ४१३ विद्यार्थ्यांनी नोंदणी केली. विविध क्षेत्रातील ६ नामांकित कंपन्यांनी रोजगाराच्या संधींसाठी सहभाग नोंदविला.त्यात प्राथमिक निवड झालेल्या उमेदवारांची संख्या १२५ असून…

आदिवासी विद्यार्थ्यांसाठी ‘प्रकाशवाटा’ कार्यक्रमाचे उद्घाटन नवापूर, दि. २ : आदिवासी समाजातील विद्यार्थ्यांना उच्च शिक्षणाच्या विविध संधी उपलब्ध करून देण्याच्या उद्देशाने राबविण्यात येणाऱ्या ‘प्रकाशवाटा’ या कार्यक्रमाचे उद्घाटन महात्मा गांधी जयंती व माजी पंतप्रधान स्वर्गीय लालबहादूर शास्त्री यांच्या जयंतीचे औचित्य साधून २ ऑक्टोबर रोजी शासकीय माध्यमिक व उच्च माध्यमिक आश्रमशाळा, खडकी, ता. नवापूर येथे करण्यात आले. या कार्यक्रमाचे उद्घाटन मा. जिल्हाधिकारी महोदया डॉ. मित्ताली सेठी यांच्या हस्ते करण्यात आले. यावेळी एकात्मिक आदिवासी विकास प्रकल्प, नंदुरबारचे प्रकल्प अधिकारी श्री. चंद्रकांत पवार यांची प्रमुख उपस्थिती होती. कार्यक्रमाच्या निमित्ताने शाळेचे मुख्याध्यापक श्री. सुनील पाटील यांनी पारंपरिक पद्धतीने प्रवेशद्वाराजवळ मान्यवर पाहुण्यांचे स्वागत व आदरातिथ्य केले. ‘प्रकाशवाटा’…

महात्मा गांधी, लालबहादूर शास्त्री जयंतीनिमित्त नंदुरबारात स्वच्छता मोहीम नंदुरबार, दि. २ : एकात्मिक आदिवासी विकास प्रकल्प कार्यालय, नंदुरबार येथे राष्ट्रपिता महात्मा गांधी व माजी पंतप्रधान लालबहादूर शास्त्री यांच्या जयंतीनिमित्त अभिवादन कार्यक्रमासह विशेष स्वच्छता मोहिमेचे आयोजन करण्यात आले. प्रकल्प अधिकारी डॉ. चंद्रकांत पवार यांच्या अध्यक्षतेखाली हा कार्यक्रम उत्साहात पार पडला. कार्यक्रमाच्या सुरुवातीला डॉ. चंद्रकांत पवार यांच्या हस्ते महात्मा गांधी व लालबहादूर शास्त्री यांच्या प्रतिमांचे पूजन करून पुष्पहार अर्पण करण्यात आला. यानंतर उपस्थित अधिकारी व कर्मचाऱ्यांनी स्वच्छतेची शपथ घेतली. शपथविधीनंतर प्रकल्प कार्यालय तसेच संपूर्ण परिसराची स्वच्छता करण्यात आली. कार्यालयातील अधिकारी व कर्मचाऱ्यांनी श्रमदान करून परिसर स्वच्छ केला. यावेळी अध्यक्षीय भाषणात प्रकल्प अधिकारी…

आदिवासी योजनांच्या सामाजिक परिणामांच्या विश्लेषण अहवालाचे आदिवासी विकास मंत्री यांच्या हस्ते प्रकाशन [जळगाव, दि. २ ऑक्टोबर ]कवयित्री बहिणाबाई चौधरी उत्तर महाराष्ट्र विद्यापीठ, एकात्मिक आदिवासी विकास प्रकल्प, यावल आणि जिल्हाधिकारी कार्यालय, जळगाव यांच्या संयुक्त विद्यमाने राबविण्यात आलेल्या ‘जिल्हा वार्षिक योजना (आदिवासी उप-योजना) अंतर्गत योजनांच्या सामाजिक परिणामांचे विश्लेषण’ या संशोधन प्रकल्पाच्या अहवालाचे प्रकाशन आदिवासी विकास मंत्री प्रा. डॉ. अशोक वुईके यांच्या हस्ते येथील शासकीय विश्रामगृहात नुकतेच करण्यात आले.पालकमंत्री गुलाबराव पाटील यांच्या विशेष प्रयत्नातून जिल्हाधिकारी रोहन घुगे यांच्या मार्गदर्शनाखाली राबविण्यात आलेल्या या संशोधन प्रकल्पात,चोपडा, यावल आणि रावेर तालुक्यांतील ८७ पेसा गावांमधील एकूण ९,८९८ कुटुंबांचे सर्वेक्षण करून शासकीय योजनांची परिणामकारकता, लाभार्थ्यांना झालेला प्रत्यक्ष लाभ,…

महाराष्ट्र राज्य परिवहन महामंडळाची पार्सल सेवा तीन महिन्यांपासून ठप्प जळगाव 2 ऑक्टोंबर 26 व्यापारी, उद्योजकांसह नागरिकांची मोठी गैरसोय गावामध्ये डिलिव्हरी कशी होणार? एसटीची पार्सल सेवा झाली बंद ग्रामीण भागातील नागरिकांसाठी तसेच व्यापारी, उद्योजक आणि सर्वसामान्यांसाठी उपयुक्त ठरणारी महाराष्ट्र राज्य मार्ग परिवहन महामंडळाची (एसटी) पार्सल सेवा गेल्या तीन महिन्यांपासून ठप्प झाली आहे. त्यामुळे एका गावातून दुसऱ्या गावात तसेच ग्रामीण भागातून शहरात साहित्य, औषधे, स्पर्धा परीक्षांचे पुस्तक, साप्ताहिक मासिक वर्तमानपत्रे, वैद्यकीय साहित्य आणि इतर वस्तू पाठविण्यासाठी नागरिकांना अडचणींचा सामना करावा लागत आहे. एसटीच्या माध्यमातून राबविण्यात येणारी पार्सल सेवा ही ग्रामीण भागासाठी महत्त्वाची सुविधा मानली जाते. एसटीच्या बससेवेच्या माध्यमातून कमी खर्चात आणि सुरक्षितपणे…

  महावितरणच्या वीजयंत्रणेत खासगी व्यक्तींकडून कामे करून घेतल्यास थेट बडतर्फीसारखी कारवाई. जळगाव : महावितरणच्या वीजयंत्रणेमधील नादुरुस्त ट्रान्सफॉर्मर बदलणे, तांत्रिक दुरुस्ती, वीजबिल वसुली किंवा मीटर काढणे यासारखी कामे विद्युत सुरक्षा नियमांचे पालन करून करण्याची पूर्णतः जबाबदारी तारमार्ग संवर्गातील तांत्रिक कर्मचाऱ्यांची आहेत. अशी तांत्रिक व जोखमीची कामे करवून घेण्यासाठी कोणत्याही प्रकारे खासगी व्यक्ती किंवा अनधिकृत मनुष्यबळाचा वापर करू नये. असे प्रकार आढळून आल्यास व विद्युत अपघात झाल्यास संबंधित दोषी कर्मचाऱ्यांविरुद्ध बडतर्फीसारखी कठोर कारवाई करण्यात येईल, असे महावितरणकडून स्पष्ट करण्यात आले आहे. याबाबत संचालक (संचालन) श्री. धनंजय औंढेकर यांनी नुकतेच परिपत्रक काढून क्षेत्रीय मुख्य अभियंते व अधीक्षक अभियंत्यांना याबाबत खातरजमा करण्याचे आदेश दिले…

भटके-विमुक्त हक्क व प्रमाणपत्र अभियानातून विविध प्रमाणपत्रे व योजनांचा लाभ मिळणार जळगाव, दि. 27 (जिमाका) :  विमुक्त जाती व भटक्या जमातीतील नागरिकांना विविध शासकीय प्रमाणपत्रे, ओळखपत्रे तसेच शासनाच्या कल्याणकारी योजनांचा लाभ सुलभपणे मिळवून देण्यासाठी महाराष्ट्र शासनाच्या ‘राष्ट्रनेता ते राष्ट्रपिता’ अभियानांतर्गत जळगाव जिल्ह्यात दि. २७ ते २९ सप्टेंबर २०२६ या कालावधीत ‘भटके-विमुक्त हक्क व प्रमाणपत्र अभियान’ राबविण्यात येत आहे. या अभियानांतर्गत महसूल विभाग, इतर मागास बहुजन कल्याण विभाग तसेच विविध शासकीय विभागांच्या समन्वयातून मंडळ व तालुका स्तरावर वस्तीनिहाय विशेष शिबिरांचे आयोजन करण्यात आले आहे. एरंडोल तालुक्यात गणेशनगर, आनंदनगर व खेडगाव येथे दि. २७, २८ व २९ सप्टेंबर रोजी, धरणगाव तालुक्यात ग्रामपंचायत…