Author: Team YuvaDisha

 धुळे : धुळे शहरातील नाभिक समाजाची सर्वांगीण प्रगती आणि शैक्षणिक क्षेत्रातील वाढता सहभाग पुन्हा एकदा अधोरेखित झाला आहे. शहरातील प्रतिष्ठित व्यक्तिमत्व व नामांकित बिल्डर ‘अरुण बंगलोज, धुळे’चे संस्थापक श्री. जितेंद्र काशिनाथ बोरसे यांच्या कन्या कुमारी शिवानी बोरसे हिने वैद्यकीय क्षेत्रात उल्लेखनीय यश संपादन करत प्रवरा इन्स्टिट्यूट ऑफ मेडिकल सायन्सेस, लोणी येथून डॉक्टर पदवी प्राप्त केली आहे. प्रवरामध्ये आयोजित भव्य ‘दीक्षांत समारंभा’त प्रवरा मेडिकल कॉलेजचे संचालक मा. राजेंद्र विखे पाटील यांच्या शुभहस्ते शिवानी बोरसे हिला अधिकृतरीत्या डॉक्टर पदवी प्रदान करण्यात आली. विशेष खास टोपी व गाऊन परिधान करून मंचावर उभारलेल्या शिवानीने हा आपल्या आयुष्यातील ‘स्वप्नपूर्तीचा क्षण’ कुटुंबासह अनुभवला. तिच्या हातात पदवी…

आगामी पाचोरा नगरपरिषद सार्वत्रिक निवडणूक 2025 च्या पार्श्वभूमीवर शिवसेना (शिंदे गट) तर्फे उमेदवारी अर्ज दाखल करण्याची जोरदार हालचाल सुरू झाली आहे. नगराध्यक्ष पदाच्या उमेदवारांसह विविध प्रभागांतील उमेदवारांनी नियोजनबद्ध तयारीला सुरूवात केली असून पक्षाचे कार्यकर्ते व नागरिक यांच्यात उत्साहाचे वातावरण दिसून येत आहे. १५ नोव्हेंबर २०२५ रोजी, शनिवार सकाळी ९ वाजता धम्मदय बौध्दविहारातून प्रस्थान करून उमेदवारांचा भव्य रॅलीसह अर्ज दाखल करण्याचा कार्यक्रम आयोजित करण्यात आला आहे. या रॅलीत शिवसेनेचे नगराध्यक्ष पदाचे उमेदवार, स्थानिक पदाधिकारी, कार्यकर्ते, महिला आघाडी तसेच समाजातील सर्व स्तरातील मित्र परीवार मोठ्या संख्येने नागरिक उपस्थित राहणार आहेत. शिवसेनेतर्फे प्रभाग क्रमांक ७ “अ” मधून नगरसेवक पदासाठी सौ. वर्षा प्रविण ब्राह्मणे…

*बालरंगभूमी परिषद जळगावतर्फे दि. २८ व २९ नोव्हेंबर रोजी आयोजन* जळगाव (प्रतिनिधी) : राज्यातील बालकांपर्यंत मराठी संस्कृतीची व परंपरांची महती पोहचावी. त्यांनी लोककलांचा अभ्यास करुन ही परंपरा पुढे जोपासावी या उद्देशाने बालरंगभूमी परिषदेतर्फे दरवर्षी ‘जल्लोष लोककलेचा’ या उपक्रमाचे आयोजन करण्यात येते. यंदा शहरात दि. २८ व २९ नोव्हेंबर रोजी बालरंगभूमी परिषद जळगाव शाखेतर्फे या महोत्सवाचे ला.ना. सार्वजनिक विद्यालयाच्या भैय्यासाहेब गंधे सभागृहात आयोजन करण्यात आले आहे. राज्यातील बालकलावंतांच्या सर्वांगिण कलात्मक विकासासाठी सातत्याने नावीन्यपूर्ण उपक्रम राबविणाऱ्या बालरंगभूमी परिषदेतर्फे महाराष्ट्राची कला व परंपरा जपतांना बालमनावर संस्कार करण्याच्या अनुषंगाने ‘जल्लोष लोककलेचा’ या महोत्सवाचे आयोजन करण्यात आले आहे. लोककलांचा प्रगल्भ वारसा लाभलेल्या महाराष्ट्रात लोककलांना उर्जितावस्था…

भाजपा महाराष्ट्र प्रदेश अध्यक्ष रवींद्र चव्हाण आणि महाराष्ट्राचे मुख्यमंत्री देवेंद्र फडणवीस यांच्या आदेशान्वये भारतीय जनता पार्टीचे प्रदेश महामंत्री विजय चौधरी व जिल्हाध्यक्ष निलेश माळी यांनी डॉ समिधा नटावदकर यांची भारतीय जनता पार्टीच्या महिला मोर्चाच्या जिल्हाध्यक्ष म्हणून नियुक्ती केली. डॉ समिधा यांनी रेवा फाउंडेशनच्या माध्यमातून नंदुरबार जिल्ह्यात अनेक लोकोपयोगी कामे सुरू केलेली आहेत. ज्यात विविध ठिकाणी आरोग्य शिबिरे, गरजू रुग्णांना मदत करणे, गरज असलेल्या ठिकाणी अन्नधान्य, वस्त्र वाटप यासारखे अनेक कार्यक्रम घेण्यात येतात. राजकीय क्षेत्रात युवकांमध्ये त्यांची लोकप्रियता मोठी आहे. आपल्याला मिळालेल्या जबाबदारीचा वापर करून प्रधानमंत्री नरेंद्र मोदींच्या स्वप्नातला बलशाली भारत घडविण्याचा, संपूर्ण नंदुरबार जिल्ह्यात भारतीय जनता पार्टीचे संघटन अधिक मजबूत…

दोंडाईचा वि. प्र.* हस्ती चॅरिटेबल ट्रस्ट संचलित हस्ती पब्लिक स्कूल व ज्यू. कॉलेज व हस्ती वर्ल्ड स्कूलच्या विद्यार्थ्यांनी विभागस्तरीय तलवारबाजी ( फेन्सिंग ) स्पर्धेत दमदार कामगिरी करत घवघवीत यश मिळवत राज्य स्तरावर प्रवेश मिळविला. जळगाव जिल्हा क्रीडा विभागामार्फत पार पडलेल्या विभागस्तरीय तलवारबाजी स्पर्धा सेंट अलायन्स हायस्कूल यावल रोड भुसावळ येथील क्रीडा संकुलात आयोजित करण्यात आली होती.स्पर्धेचे उद्घाटन मिनल थोरात जिल्हा क्रीडा अधिकारी यांच्या शुभहस्ते झाले. यावेळी राजू शिंदे शिवछत्रपती क्रीडा पुरस्कार विजेते तसेच कैलास कंखरे सचिव धुळे जिल्हा तलवारबाजी संघटना आदी मान्यवर उपस्थित होते. या ठिकाणी शालेय स्तरावरील १४, १७,१८ वर्ष वयोगटात हस्ती स्कूलचे मुले व मुली सहभागी झाले होते.…

भडगाव, दि. 13 नोव्हेंबर 2025 भडगाव पोलिस स्टेशन हद्दीत घडलेल्या तीन अल्पवयीन मुली बेपत्ता प्रकरणात भडगाव पोलिसांनी फक्त काही तासांत कौतुकास्पद कामगिरी करत तिन्ही मुलींचा सुरक्षित शोध लावण्यात मोठे यश मिळवले. या घटनेमुळे परिसरात निर्माण झालेली भीती व संभ्रमाची स्थिती दूर झाली आहे. प्रकरणाचा तपशील दि. 20/10/2025 रोजी दुपारी गावातील तीन अल्पवयीन मुली अचानक घरातून बेपत्ता झाल्याची माहिती पालकांकडून व स्थानिक नागरिकांकडून भडगाव पोलिसांना मिळाली. मुलींचा कोणताही ठावठिकाणा लागत नसल्याने परिसरात चिंतेचे वातावरण पसरले होते. प्राथमिक माहितीनुसार, सदर मुली जवळच्या रेल्वे स्टेशनकडे गेल्याची शक्यता वर्तवण्यात आली. त्यानुसार भडगाव पोलिसांनी तात्काळ शोधमोहीम सुरू केली. रेल्वे स्टेशनवर तपास — सीसीटीव्हीतून महत्वपूर्ण धागेदोरे…

जळगाव : जिल्ह्यातील नगर परिषदांच्या निवडणुकांमध्ये भाजपने बऱ्याच ठिकाणी मित्र पक्षांना फार महत्व दिलेले नाही. अपवादा‍त्मक ठिकाणी युती केली असली, तरी त्यातूनही स्वतःचा स्वार्थ साधण्याचा प्रयत्न केल्याचा आरोप होत आहे. अशा स्थितीत, भाजपला थेट आव्हान देऊन सर्वात आधी स्वबळाचा नारा देणारे आमदार किशोर पाटील यांना शिवसेनेने (एकनाथ शिंदे) आता मोठी जबाबदारी सोपवली आहे. लोकसभा आणि विधानसभा निवडणुका महायुतीच्या माध्यमातून एकत्र लढल्यानंतर भाजप, शिंदे गट आणि अजित पवार गट यांच्यातील संवाद आणि समन्वय चांगला दिसून येत होता. मात्र, स्थानिक स्वराज्य संस्थांच्या निवडणुकांचा रणसंग्राम जवळ येताच तिन्ही पक्षांमधील मतभेद उघडपणे समोर येऊ लागले आहेत. विशेषतः भाजपने बऱ्याच ठिकाणी स्वबळावर निवडणूक लढण्याची आणि…

 जळगाव – भारत सरकारच्या शिक्षण मंत्रालय (MIC) आणि अखिल भारतीय तंत्र शिक्षण परिषद (AICTE) यांच्या संयुक्त विद्यमाने आयोजित बहुप्रतिक्षित स्मार्ट इंडिया हॅकेथॉन (SIH) २०२५ मध्ये के.सी.ई.एस. अभियांत्रिकी आणि व्यवस्थापन स्वायत्त् महाविद्यालयातील विद्यार्थ्यांनी उल्लेखनीय यश मिळवले आहे. ‘स्वच्छ आणि हरित तंत्रज्ञान’ थीममध्ये ‘संकरित ऊर्जा’ प्रकल्पाची बाजी के.सी.ई.एस. च्या संगणक अभियांत्रिकी विभागाच्या ‘इको कॅम्पस’ (Eco Campus) या संघाने ‘स्वच्छ आणि हरित तंत्रज्ञान’ या महत्त्वाकांक्षी थीम अंतर्गत आपला प्रकल्प सादर केला आहे. त्यांच्या प्रकल्पाचे शीर्षक “संकरित नवीकरणीय ऊर्जा निर्मिती उपाययोजना” (Hybrid Renewable Energy Generation Solution) असे आहे. या निवड प्रक्रियेतून संघाला राष्ट्रीय स्तरावर आपली नाविन्यता सिद्ध करण्याची संधी मिळाली आहे ‘इको कॅम्पस’ संघात…

जळगाव -खान्देश कॉलेज एज्युकेशन सोसायटी संचलित व्ही.पी. होले शिक्षणशास्त्र आणि शारीरिक शिक्षणशास्त्र महाविद्यालय (स्वायत्त) जळगाव येथे वंदे मातरम या राष्ट्रीय गीताला दीडशे वर्ष पूर्ण झाल्याच्या निमित्ताने वंदे मातरम गीताचे सामूहिक गायन कार्यक्रमाचे आयोजन करण्यात आले होते. या कार्यक्रमाला अध्यक्षस्थानी महाविद्यालयाचे प्राचार्य डॉ. प्रा. अशोक राणे होते. सर्वप्रथम सामूहिक वंदे मातरम गीत गायन करण्यात आले, त्यानंतर आपल्या अध्यक्षीय भाषणात डॉ. राणे यांनी स्वातंत्र्य पूर्व काळात वंदेमातरम गीताचे योगदान तसेच वंदे मातरम गीताचा अर्थ विद्यार्थ्यांना सांगितला. कार्यक्रमाचे सूत्रसंचालन व आभार राष्ट्रीय सेवा योजनेचे प्रकल्प अधिकारी प्रा.आकाश बिवाल यांनी केले. कार्यक्रमाला सर्व शिक्षक व शिक्षकेतर कर्मचारी उपस्थित होते.

जळगाव, दिनांक 7 नोव्हेंबर (जिमाका वृत्तसेवा): महाराष्ट्र राज्य परीक्षा परिषद, पुणे यांच्यामार्फत महाराष्ट्र शिक्षक पात्रता परीक्षा (TET) २०२५ चे आयोजन रविवार, २३ नोव्हेंबर २०२५ रोजी करण्यात येणार आहे. या परीक्षेच्या आयोजनाची कार्यवाही सुरू असून, परीक्षेसंबंधित सर्व अधिकृत माहिती वेळोवेळी परीक्षा परिषदेच्या अधिकृत संकेतस्थळावर उपलब्ध करून दिली जाणार आहे, असे परिषदेच्या आयुक्त अनुराधा ओक यांनी सांगितले आहे. तसेच, परीक्षेबाबत युट्युब चॅनेल्स, सोशल मीडियावरील विविध पोस्ट्स किंवा प्रसारमाध्यमांद्वारे दिल्या जाणाऱ्या चुकीच्या आणि दिशाभूल करणाऱ्या बातम्यांवर विश्वास ठेवू नये, अशी माहिती परिषदेकडून देण्यात आली आहे. उमेदवारांनी अधिकृत संकेतस्थळे www.mscepune.in आणि http://mahatet.in यांच्यावर प्रकाशित सूचनांचा आधार घ्यावा, असे आवाहन करण्यात आले आहे. अफवांवर विश्वास…