Author: Team YuvaDisha

देशमुख महाविद्यालयाच्या राष्ट्रीय सेवा योजना विशेष हिवाळी श्रमसंस्कार शिबिराचा समारोप पाचोरा तालुका सहकारी शिक्षण संस्था संचलित सौ. रजनीताई नानासाहेब देशमुख कला, वाणिज्य व विज्ञान महाविद्यालय, भडगाव अंतर्गत राष्ट्रीय सेवा योजनेचे विशेष हिवाळी श्रमसंस्कार शिबिर वडजी ता. भडगाव येथे संस्थेचे सन्माननीय चेअरमन संजय ओंकार वाघ यांच्या मार्गदर्शनात यशस्वीरीत्या पार पडले. शिबिराच्या समारोपीय कार्यक्रमाच्या अध्यक्षस्थानी पाचोरा तालुका सहकारी शिक्षण संस्थेचे व्हाइस चेअरमन व्ही. टी. जोशी होते. समारोप कार्यक्रमाला संस्थेचे ज्येष्ठ संचालक विनय जकातदार, विजय देशपांडे, भडगाव पोलीस स्टेशनचे पोलीस निरीक्षक महेश शर्मा यांनी आपले मनोगत व्यक्त करून राष्ट्रीय सेवा योजनेच्या माध्यमातून विद्यार्थ्यांमध्ये सामाजिक बांधिलकी, स्वयंशिस्त व नेतृत्वगुण विकसित होतात, असे प्रतिपादन केले.…

चांदसर आश्रमशाळेच्या खो-खो संघाचे राज्यस्तरीय क्रीडास्पर्धेत घवघवीत यश चांदसर (ता. धरणगाव | प्रतिनिधी): महाराष्ट्र शासनाच्या आदिवासी विकास विभागांतर्गत आयोजित करण्यात आलेल्या राज्यस्तरीय क्रीडा स्पर्धेत शासकीय माध्यमिक आश्रमशाळा, चांदसर येथील विद्यार्थ्यांनी उल्लेखनीय यश संपादन करत शाळेचा व परिसराचा नावलौकिक वाढविला आहे. अमरावती येथे पार पडलेल्या या स्पर्धेत चांदसर आश्रमशाळेच्या खो-खो संघाने अंतिम सामन्यात विजय मिळवत अजिंक्यपद पटकावले आहे. या ऐतिहासिक यशामुळे शासकीय माध्यमिक आश्रमशाळा, चांदसर ही धरणगाव तालुक्यातील पहिली आश्रमशाळा ठरली आहे, जिने राज्यस्तरीय क्रीडास्पर्धेत अजिंक्यपद मिळविले आहे. या संघातील सर्व खेळाडू १४ वर्षांखालील गटातील असून त्यांनी संपूर्ण स्पर्धेत उत्कृष्ट सांघिक खेळाचे प्रदर्शन केले. या यशामागे क्रीडा शिक्षक श्री. विशाल पाटील…

​जळगाव – येथील ए. टी. झांबरे माध्यमिक विद्यालयात शैक्षणिक वर्ष २०२४-२५ चा वार्षिक बक्षीस वितरण समारंभ अत्यंत दिमाखदार आणि उत्साहपूर्ण वातावरणात संपन्न झाला. विद्यार्थ्यांच्या सुप्त गुणांना वाव देत त्यांच्या शैक्षणिक व नैतिक प्रगतीचा गौरव करणारा हा सोहळा विद्यालयाच्या गुणवत्तेची साक्ष देणारा ठरला. कार्यक्रमाच्या अध्यक्षस्थानी खानदेश कॉलेज एज्युकेशन सोसायटी जळगाव चे प्रशासकीय अधिकारी श्री. शशिकांत वडोदकर होते, तर प्रमुख अतिथी म्हणून सोसायटीचे सचिव मा. ॲड. प्रमोद पाटील उपस्थित होते. व्यासपीठावर गुरुवर्य प. वि. पाटील प्राथमिक विद्यामंदिरच्या मुख्याध्यापिका सौ. सुजाता फालक, किलबिल बालक मंदिरच्या मुख्याध्यापिका सौ. अर्चना नेमाडे आणि शाळेचे सांस्कृतिक विभाग प्रमुख श्री. निर्मल चतुर यांची सन्माननीय उपस्थिती लाभली. ​कार्यक्रमाचे प्रास्ताविक…

जळगाव : स्वातंत्र्योत्तर कालखंडात प्रगती आणि आव्हाने यांची सांगड घालताना समाजातील बहुआयामी वास्तव समजून घेण्यासाठी ज्ञानशाखांच्या चौकटीबाहेर जाऊन संशोधन व अभ्यास करण्याची आवश्यकता आहे, असे प्रतिपादन पुणे येथील प्रा. राजेश्वरी देशपांडे यांनी केले. त्या शुक्रवार दि.९ जानेवारी रोजी मूळजी जेठा महाविद्यालयात आयोजित एकदिवसीय बहुविद्याशाखीय परिषदेत बीजभाषक म्हणून बोलत होत्या. कार्यक्रमाच्या अध्यक्षस्थानी महाविद्यालयाचे प्राचार्य प्रा. सं. ना. भारंबे हे होते. ज्ञानाचे प्रतीक असलेल्या बोधी वृक्षास मान्यवरांच्या हस्ते पाणी देऊन परिषदेचे उद्घाटन करण्यात आले. ही परिषद कवयित्री बहिणाबाई चौधरी उत्तर महाराष्ट्र विद्यापीठ, जळगाव आणि मूळजी जेठा ‘स्वायत्त’ महाविद्यालय, जळगाव यांच्या संयुक्त विद्यमाने आयोजित करण्यात आली होती. प्रधानमंत्री उच्चत्तर शिक्षण अभियान (पीएम-उषा), शिक्षण…

जळगाव : एस. एस. मणियार विधी महाविद्यालय, जळगाव आणि कवयित्री बहिणाबाई चौधरी उत्तर महाराष्ट्र विद्यापीठाच्या बौद्धिक संपदा अधिकार कक्ष यांच्या संयुक्त विद्यमाने विद्यापीठ स्तरीय आंतर-महाविद्यालयीन अभिरूप न्यायालय (मूट कोर्ट) स्पर्धेचे आयोजन करण्यात आले. या स्पर्धेत एस. एस. मणियार विधी महाविद्यालयाने विजेतेपद पटकावले, तर बियाणी विधी महाविद्यालय, धुळे उपविजेता ठरले. उत्कृष्ट पुरुष वकील म्हणून एन. टी. व्ही. एस. विधी महाविद्यालय, नंदुरबारचा विद्यार्थी दर्शन नाथाणी तर उत्कृष्ट महिला वकील म्हणून एस. एस. मणियार विधी महाविद्यालयाची ईशा पिंपळीकर यांची निवड करण्यात आली. बेस्ट मेमोरियलचे पारितोषिक एस. एम. बीयानी विधी महाविद्यालय, धुळे यांना मिळाले. स्पर्धेचे उद्घाटन जिल्हा आणि सत्र न्यायालय, जळगावचे न्यायमूर्ती श्री. एम.…

धरणगाव (जळगाव): महाराष्ट्र शासनाच्या आदिवासी विकास विभागांतर्गत अमरावती येथे आयोजित करण्यात आलेल्या राज्यस्तरीय क्रीडा स्पर्धांमध्ये शासकीय माध्यमिक आश्रमशाळा, चांदसर येथील १४ वर्षांखालील मुलांच्या खो-खो संघाने ऐतिहासिक कामगिरी केली आहे. अंतिम सामन्यात विजय मिळवत या संघाने अजिंक्यपद पटकावले असून, राज्यस्तरीय स्पर्धेत हे यश मिळवणारी चांदसर ही धरणगाव तालुक्यातील पहिली आश्रमशाळा ठरली आहे. प्रमुख वैशिष्ट्ये: • स्पर्धेचे ठिकाण: अमरावती.   • गट: १४ वर्षांखालील मुले (खो-खो).   • मार्गदर्शक: क्रीडा शिक्षक श्री. विशाल पाटील.   • विक्रम: राज्य स्तरावर अजिंक्यपद मिळवणारी तालुक्यातील पहिलीच आश्रमशाळा.   सर्वत्र कौतुकाचा वर्षाव या यशस्वी कामगिरीबद्दल चांदसर आणि परिसरात खेळाडूंचे मोठ्या प्रमाणावर कौतुक होत आहे. या यशाबद्दल प्रकल्प अधिकारी श्री. अरुण…

जळगाव – मू . जे.(स्वायत्त ) महाविद्यालय, जळगाव येथील रसायनशास्त्र विभागाद्वारे सरदार वल्लभभाई पटेल माध्यमिक विद्यालय, बोरेखेडा – वंजारी खापट, ता. धरणगाव, जिल्हा जळगाव येथील इयत्ता ५ वी ते १० वीच्या विद्यार्थ्यांसाठी विज्ञानविषयक संवादात्मक उपक्रम आयोजित करण्यात आला. या उपक्रमाचे मार्गदर्शन रसायनशास्त्र विभागप्रमुख डॉ. योगेश मोरे यांच्या नेतृत्वाखाली करण्यात आले. या कार्यक्रमामध्ये अणूची रचना, आम्ले, क्षार व मीठ तसेच त्यांचे दैनंदिन जीवनातील उपयोग या विषयांवर सोप्या भाषेत मार्गदर्शन करण्यात आले. उदाहरणांमुळे विद्यार्थ्यांचा सहभाग मोठ्या प्रमाणात वाढला. विद्यार्थ्यांनी उत्स्फूर्तपणे प्रश्न विचारले व चर्चेमध्ये सक्रिय सहभाग घेतला. या विज्ञान उपक्रमाचे प्रत्यक्ष मार्गदर्शन रसायनशास्त्र विभागातील डॉ. जयश्री भिरुड, डॉ. मनोज पांडे, डॉ. वसीम…

 जळगाव : खान्देश कॉलेज एजुकेशन सोसायटीचे कॉलेज ऑफ इंजिनिअरिंग अँड मॅनेजमेंट स्वायत्त महाविद्यालयास् प्रतिष्ठित रायसोनी करंडक स्पर्धेच्या प्रथम तालीम फेरीत उल्लेखनीय यश संपादन करत तृतीय क्रमांक पटकावला आहे. व 1 ते 4 फेब्रुवारी नागपूर येथे होणाऱ्या अंतिम फेरीत दाखल झाला आहे. महाविद्यालयाच्या विद्यार्थ्यांनी एकांकिका सादरीकरणात उत्कृष्ट अभिनय व सादरीकरण करत परीक्षकांची दाद मिळवली. या एकांकिकेचे दिग्दर्शन प्रा. यश चौधरी यांनी केले. स्पर्धेचे समन्वयक म्हणून प्रा. यश चौधरी व प्रा. रेवती पाटील यांनी प्रभावी नियोजन व मार्गदर्शन केले. या यशाबद्दल के सी ई संस्थेचे अध्यक्ष आदरणीय प्रज्ञावंत श्री नंदकुमार बेंडाळे ,उपाध्यक्ष ,कोषाध्यक्ष ,संचालक, सदस्य मंडळ व महाविद्यालयाचे प्राचार्य डॉ. संजय सुगंधी…

जळगाव -खान्देश कॉलेज एज्युकेशन सोसायटीचे मूळजी जेठा (स्वायत्त) महाविद्यालयाच्या भूगोल विभागातर्फे नुकतीच हैदराबाद येथे तीन दिवशीय शैक्षणिक सहलीचे आयोजन करण्यात आले होते. या सहलीमध्ये विद्यार्थ्यांनी अंतराळ तंत्रज्ञान, ऐतिहासिक वारसा आणि भौगोलिक रचनांचा प्रत्यक्ष अनुभव घेतला. यामध्ये प्रामुख्याने भारतीय अंतराळ संशोधन संस्थेच्या (ISRO) च्या ‘नॅशनल रिमोट सेन्सिंग सेंटर’ (NRSC, Outreach Facility) या ठिकाणच्या भेटीने विद्यार्थ्यांच्या ज्ञानात मोठी भर घातली. या सहलीचे मुख्य आकर्षण असलेल्या NRSC outreach facility केंद्र येथे विद्यार्थ्यांना उपग्रह तंत्रज्ञान आणि रिमोट सेन्सिंगच्या (सुदूर संवेदन) कार्यपद्धतीची सविस्तर माहिती देण्यात आली. सॅटेलाइट डेटा: उपग्रहाद्वारे पृथ्वीचे फोटो कसे घेतले जातात आणि त्या माहितीचा वापर शेती, पाणी व्यवस्थापन व नैसर्गिक आपत्तींच्या नियोजनासाठी…

नवापूर (हेमंत विक्रम पाटील): नवापूर तालुक्यात बेकायदेशीरपणे तत्सम लाकूड वाहतूक करणाऱ्यांविरोधात नवापूर पोलिसांनी धडक कारवाई करत आयशर वाहनासह सुमारे ४ लाख १५ हजार रुपये किंमतीचा मुद्देमाल जप्त केला आहे. ही कारवाई जामतलाव गावाच्या मुख्य रस्त्यावर दुपारी सुमारे १ वाजण्याच्या सुमारास करण्यात आली. नवापूर पोलीस ठाण्याच्या हद्दीत नियमित गस्तीवर असलेल्या पोलिसांना संशयास्पद अवस्थेत एक आयशर वाहन दिसून आले. वाहन क्रमांक MH-05-K-9816 थांबवून तपासणी केली असता त्यामध्ये मोठ्या प्रमाणात तत्सम लाकूड भरलेले आढळून आले. यावेळी वाहनचालकाकडे लाकूड वाहतुकीसाठी आवश्यक असलेले अधिकृत परवाने व वैध कागदपत्रांची मागणी करण्यात आली असता चालकाने उडवाउडवीची उत्तरे देत कोणतीही समाधानकारक माहिती सादर केली नाही. पोलिसांनी तत्काळ कारवाई…