पाचोऱ्यात सामान्य ज्ञान स्पर्धेचे बक्षीस वितरण २५ जानेवारी रोजी
पाचोरा | प्रतिनिधी
आमदार किशोर आप्पा पाटील यांच्या वाढदिवसानिमित्त किशोर आप्पा पाटील बहुउद्देशीय संस्था, पाचोरा व द युनिक अकॅडमी, जळगाव शाखा यांच्या संयुक्त विद्यमाने पाचोरा व भडगाव मतदारसंघातील विद्यार्थ्यांसाठी भव्य सामान्य ज्ञान स्पर्धेचे आयोजन करण्यात आले होते.
या स्पर्धेला विद्यार्थ्यांचा उत्स्फूर्त प्रतिसाद लाभला. या स्पर्धेचा बक्षीस वितरण समारंभ दिनांक २५ जानेवारी २०२६ रोजी सकाळी११,०० वाजता व्यापारी भवन, पाचोरा येथे आयोजित करण्यात आला आहे.
या कार्यक्रमात माननीय आमदार किशोर आप्पा पाटील, पाचोरा नगरपालिकेच्या नवनिर्वाचित नगराध्यक्षा तसेच नगरसेवकांच्या शुभहस्ते गुणवंत विद्यार्थ्यांना बक्षीस वितरण करण्यात येणार आहे.
या स्पर्धेत प्रथम क्रमांकासाठी ₹ ११,०००, द्वितीय क्रमांकासाठी ₹ ७,१००, तृतीय क्रमांकासाठी ₹ ५,१००, चतुर्थ क्रमांकासाठी ₹ ३,१०० व पाचव्या क्रमांकासाठी ₹ १,१०० रुपये रोख बक्षीस देण्यात येणार आहे. तसेच सहभागी विद्यार्थ्यांना प्रमाणपत्रे व वार्षिकी पुस्तक चारशे रुपये किमतीचे२०२६ देऊन गौरविण्यात येणार आहे.
या उपक्रमातून ग्रामीण व शहरी भागातील विद्यार्थ्यांमध्ये स्पर्धा परीक्षांविषयी जागरूकता वाढवणे, सामान्य ज्ञानाचा पाया मजबूत करणे तसेच गुणवत्तेला प्रोत्साहन देणे हा उद्देश असल्याचे आयोजकांनी सांगितले.
बक्षीस वितरण समारंभास विद्यार्थी, पालक व शिक्षणप्रेमींनी मोठ्या संख्येने उपस्थित राहावे, असे आवाहन आयोजक संस्थांच्या वतीने करण्यात आले आहे.
