जळगाव – खान्देश कॉलेज एज्युकेशन सोसायटीच्या मुळजी जेठा महाविद्यालयामध्ये दि. 10 ऑक्टोबर या जागतिक मानसिक आरोग्य दिनानिमित्त मानसशास्र विभाग व नव्याने सुरू झालेला समाजकार्य विभाग यांच्या संयुक्त विद्यमाने विविध कार्यक्रमांचे आयोजन करण्यात आलेले होते . सावित्रीबाई फुले पुणे विद्यापीठाच्या सनराईज ग्रुप ऑफ इन्स्टिट्यूट चे प्र.प्राचार्य. चेतन दिवाण तसेच महाविद्यालयाचे प्राचार्य प्रो.डॉ.संजय भारंबे यांच्या हस्ते विविध कार्यक्रमांचे उद्घाटन करण्यात आले. विविध कार्यक्रमांनी हा दिवस साजरा करण्यात आला.प्रा. दिवाण सर यांनी ‘आपत्ती आणि आपत्कालीन परिस्थितीत मानसिक आरोग्य सेवांची उपलब्धता’ या विषयावर व्याख्यान केले. महाविद्यालयाच्या विद्यार्थ्यांनी पथनाट्य सादर करून मानसिक आजारांविषयी माहिती दिली.पोस्टरस्पर्धा, निबंधस्पर्धा,घोषवाक्यस्पर्धा आणि काही मानसशास्रीय खेळ घेण्यात आले. या कार्यक्रमाला मानविद्याशाखेचे अधिष्ठाता प्रो. डॉ.बी. एन. केसूर उपस्थित होते या कार्यक्रमाचे प्रास्ताविक डॉ. बालाजी राऊत तर परिचय समाजकार्य विभाग प्रमुख डॉ. डिंपल जैस्वाल यांनी केला. कार्यक्रमाचे सुत्रसंचलन डॉ.वर्षा भांडारकर व आभार मानसशास्र विभाग प्रमुख डॉ. ललिता निकम यांनी केले.
