महाराष्ट्र पोलीस भरतीपूर्व लेखी परीक्षेची तयारी करणाऱ्या उमेदवारांसाठी चॅलेंज फाउंडेशन, जळगाव यांच्या वतीने भव्य सराव लेखी परीक्षेचे आयोजन करण्यात आले आहे. ही परीक्षा मंगळवार, दिनांक 23 डिसेंबर 2025 रोजी सकाळी 9 ते 12 या वेळेत होणार आहे. ही सराव परीक्षा सरदार वल्लभभाई पटेल हॉल, लेवा भवन, डॉ. बाबासाहेब आंबेडकर मार्केटजवळ, जळगाव येथे आयोजित करण्यात आली आहे. परीक्षेचा स्वरूप महाराष्ट्र पोलीस भरतीच्या अधिकृत लेखी परीक्षेप्रमाणेच असून उमेदवारांना प्रत्यक्ष परीक्षेचा अनुभव मिळावा, या उद्देशाने ही स्पर्धा घेतली जाणार आहे. परीक्षेत एकूण १०० बहुपर्यायी प्रश्न असतील व एकूण गुण १०० असतील. परीक्षेसाठी ९० मिनिटांचा कालावधी देण्यात येणार आहे.
या सराव परीक्षेसाठी आकर्षक पारितोषिकांचीही घोषणा करण्यात आली असून,
प्रथम क्रमांक – ₹ 3100/-
द्वितीय क्रमांक – ₹ 2100/-
तृतीय क्रमांक – ₹ 1100/-
अशी रोख बक्षिसे देण्यात येणार आहेत. ही पारितोषिके श्री किशोर माळी व श्री योगेश माळी यांच्या संयुक्त सौजन्याने देण्यात येणार असल्याची माहिती आयोजकांनी दिली. परीक्षेसाठी नाव नोंदणी दिनांक 15 ते 21 डिसेंबर दरम्यान करण्यात येणार असून नोंदणी शुल्क ₹ 50 ठेवण्यात आले आहे. इच्छुक उमेदवारांनी 8668916610 या क्रमांकावर Google Pay द्वारे शुल्क भरून नाव नोंदणी करावी, असे आवाहन करण्यात आले आहे. नाव नोंदणीसाठी अधिक माहितीसाठी 9637441979 (अविनाश पाटील सर) 8830385006 (किरण माळी सर ) या क्रमांकावर संपर्क साधावा, असेही आयोजकांनी कळविले आहे. या परीक्षेचे आयोजन चॅलेंज फाउंडेशन, जळगाव यांच्या वतीने करण्यात येत असून युवा विकास फाउंडेशन, जळगाव यांचे विशेष सहकार्य लाभले आहे. पोलीस भरतीची तयारी करणाऱ्या उमेदवारांनी या संधीचा लाभ घ्यावा, असे आवाहन आयोजकांकडून करण्यात आले आहे.
