जळगाव :- भारताचे संविधान जनतेला हिंदू , मुस्लिम , बौद्ध , ख्रिश्चन अश्या धर्मात विभागत नाही तर सर्व धर्माच्या , जातीच्या , पंथाच्या , भाषेच्या , प्रदेशाच्या जनतेला भारतीय म्हणून एक करते , आम्ही प्रथम भारतीय आहोत व अंतिमतः सुद्धा भारतीय आहोत ही शिकवण आम्हाला देते हीच शिकवण आमची सर्वात मोठी ताकत आहे असे प्रतिपादन संविधान गौरव रॅली चे मुख्य संयोजक मुकुंद सपकाळे यांनी रॅलीला संबोधित करताना केले . जळगाव शहरातील जनते तर्फे संविधान दिनानिमित्त रेल्वे स्टेशन जवळील डॉ. बाबासाहेब आंबेडकर यांच्या पुतळ्यास अभिवादन करून पंडित नेहरू चौक , शास्त्री टॉवर , जुने बस स्टँड , चित्रा चौक मार्गे छत्रपती शिवाजी महाराजांच्या पुतळ्या पर्यंत संविधान गौरव रॅली काढण्यात आली. सुरवातीस बाबासाहेबांच्या पुतळ्यास पुष्पहार अर्पण करण्यात आला त्या नंतर संविधानाच्या प्रस्तावनेचे वाचन करण्यात आले . रॅली मध्ये डॉ. करीम सालार यांनी आपल्या भाषणात भारताचे संविधान लिहीत असताना घेतलेले एकूण परिश्रम सविस्तर मांडले . मुक्ती हारून यांनी हिंदू – मुस्लिम यांच्या एकसंघतेतुंच देश प्रगती करू शकेल असे ठामपणे सांगितले . भारती रंधे यांनी संविधानाने महिलांना दिलेले अधिकार सविस्तर सांगितले . प्रा. डॉ. सत्यजित साळवे यांनी देशाचे संविधान हा देशाचा सर्वोच्च कायदा असतो असे सांगितले . आयाज अली यांनी देश व देशातील लोक हा संविधानाचा केंद्रबिंदू आहे असे सांगितले . रॅली चे नेतृत्व मुकुंद सपकाळे , जयसिंग वाघ , प्रतिभा शिंदे , मिलिंद सोनवणे , विनोद देशमुख , ॲड. आनंद कोचुरे , प्रा. प्रितपाल पवार , प्रा. किसन हिरोळे , ॲड. आनंद सपकाळे यांनी केले . सूत्रसंचालन हरिश्चंद्र सोनवणे यांनी केले . प्रास्ताविक चेतन नन्नवरे , भूमिका विषद रंजीता तायडे , स्वागत संजय सपकाळे यांनी तर आभार प्रदर्शन संध्या तायडे यांनी केले. रॅली यशस्वीतेसाठी नीलू ताई इंगळे , पुष्पा साळवे , कविता सपकाळे , ज्योती भालेराव , सुनंदा वाघ , वर्षा कोचुरे , पुष्पा तळेले , निवेदिता ताठे , मंगला पाटील , संगीता मोरे , दीपमाला सुरवाडे , सीमा शेजवळ , प्रतिभा घोडेस्वार , बापू सोनवणे , जगदीश सपकाळे , अजय बिऱ्हाडे , आनंदा तायडे , बापूराव पानपाटील , सुभाष सपकाळे , ॲड. राजेश गोयर , भगवान बाविस्कर , दिलीप सपकाळे , महेंद्र केदार , खालिद बागवान , पितांबर अहिरे , विनोद अठाइंगे , रमेश सोनवणे , श्रीकांत बाविस्कर यांनी परिश्रम घेतले .
