जळगाव -खान्देश कॉलेज एज्युकेशन सोसायटीचे मूळजी जेठा (स्वायत्त) महाविद्यालयाच्या भूगोल विभागातर्फे नुकतीच हैदराबाद येथे तीन दिवशीय शैक्षणिक सहलीचे आयोजन करण्यात आले होते. या सहलीमध्ये विद्यार्थ्यांनी अंतराळ तंत्रज्ञान, ऐतिहासिक वारसा आणि भौगोलिक रचनांचा प्रत्यक्ष अनुभव घेतला. यामध्ये प्रामुख्याने भारतीय अंतराळ संशोधन संस्थेच्या (ISRO) च्या ‘नॅशनल रिमोट सेन्सिंग सेंटर’ (NRSC, Outreach Facility) या ठिकाणच्या भेटीने विद्यार्थ्यांच्या ज्ञानात मोठी भर घातली. या सहलीचे मुख्य आकर्षण असलेल्या NRSC outreach facility केंद्र येथे विद्यार्थ्यांना उपग्रह तंत्रज्ञान आणि रिमोट सेन्सिंगच्या (सुदूर संवेदन) कार्यपद्धतीची सविस्तर माहिती देण्यात आली. सॅटेलाइट डेटा: उपग्रहाद्वारे पृथ्वीचे फोटो कसे घेतले जातात आणि त्या माहितीचा वापर शेती, पाणी व्यवस्थापन व नैसर्गिक आपत्तींच्या नियोजनासाठी कसा केला जातो, हे तज्ज्ञांनी प्रात्यक्षिकाद्वारे समजावून सांगितले.भूगोलाच्या विद्यार्थ्यांना ‘जीआयएस’ (GIS) आणि मॅपिंगमध्ये रिमोट सेन्सिंगचे महत्त्व काय आहे, याची सखोल माहिती येथे मिळाली. संस्थेच्या प्रदर्शन हॉलमध्ये भारतीय उपग्रहांच्या प्रतिकृती आणि त्यांच्या कार्याची माहिती देणारी दालने विद्यार्थ्यांनी उत्साहाने पाहिली.NRSC सोबतच विद्यार्थ्यांनी हैदराबादमधील इतर महत्वपूर्ण ठिकाणांना भेटी देऊन त्या ठिकाणच्या भौगोलिक आणि ऐतिहासिक पैलूंचा अभ्यास केलागोलकोंडा किल्ला: किल्ल्याची भव्य रचना, ध्वनीशास्त्र (Acoustics) आणि तेथील जलव्यवस्थापन प्रणाली पाहून विद्यार्थी थक्क झाले.सालार जंग संग्रहालय: जागतिक दर्जाच्या कलावस्तू आणि ऐतिहासिक ठेव्याचा विद्यार्थ्यांनी अभ्यास केला.चारमिनार व बिर्ला मंदिर: हैदराबादची संस्कृती आणि वास्तुकलेचा उत्कृष्ट नमुना म्हणून या ठिकाणांना भेट देण्यात आली.नेहरू प्राणी संग्रहालय: विविध जैवविविधता आणि प्राण्यांच्या नैसर्गिक अधिवासाची माहिती विद्यार्थ्यांना येथे मिळाली. तसेच हुसेन सागर तलाव या ठिकाणी देखील भेट देण्यात आली.ही सहल, महाविद्यालयाचे प्राचार्य व भूगोल विभागप्रमुख प्रा. डॉ. संजय भारंबे आणि सहल प्रमुख डॉ. चेतन महाजन तसेच डॉ. गुलाब तडवी, श्री गणेश सोनार व विभागातील सर्व प्राध्यापकांच्या मार्गदर्शनाखाली यशस्वीरित्या पार पडली. “केवळ पुस्तकी ज्ञान न घेता विद्यार्थ्यांनी प्रत्यक्ष स्थळांना भेट दिल्यास संकल्पना अधिक स्पष्ट होतात, हाच या सहलीचा मुख्य उद्देश होता,” असे विभागप्रमुखांनी सांगितले.या सहलीमुळे विद्यार्थ्यांमध्ये अंतराळ विज्ञानाविषयी कुतूहल निर्माण झाले असून, भूगोल विषयाच्या भविष्यातील संधींची त्यांना ओळख झाली आहे.
