जळगाव – के. सी. ई. सोसायटीचे व्ही. पी. होले. शिक्षणशास्त्र आणि शारीरिक शिक्षणशास्त्र महाविद्यालय (स्वायत्त ) जळगाव महाविद्यालयातर्फे बहिणाबाई चौधरी यांच्या पुण्यतिथी निमित्त कार्यक्रमाचे आयोजन करण्यात आलेले होते. या वेळी कार्यक्रमाचे अध्यक्ष महाविद्यालयाचे प्राचार्य डॉ. अशोक राणे उपस्थित होते. आपल्या अध्यक्षीय भाषणात सरांनी बहिणाबाईंचे कार्य, कविता याबद्दल सखोल माहिती सांगितली. कार्यक्रमाचे प्रास्ताविक डॉ. गणेश पाटील यांनी केले. तर मनोगत प्रा. डॉ. संभाजी जमधडे तसेच प्रथम वर्षाच्या विद्यार्थीनी शिवानी जाधव, कोमल नेमाडे यांनी आपले मनोगत व्यक्त केले. सूत्रसंचालन डिगंबर सुरवाडे यांनी केले. तर आभार प्रदर्शन तेजस्विनी दुबे यांनी केले. या कार्यक्रमासाठी सर्व प्राध्यापक वृंद व प्रथम वर्षाचे विद्यार्थी उपस्थित होते.
