जळगाव -के.सी.ई.सोसायटी संचलित व्ही.पी.होले शिक्षणशास्त्र आणि शारिरीक शिक्षणशास्त्र महाविद्यालय जळगाव महाविद्यालयातर्फे माजी राष्ट्रपती स्व.डॉ.ए.पी.जे. अब्दुल कलाम यांचा जन्मदिवस “वाचन प्रेरणा दिन” म्हणून साजरा करण्यात आला.या वेळी कार्यक्रमाचे अध्यक्ष म्हणून महाविद्यालयाचे उपप्राचार्य प्रा.डॉ. केतन चौधरी उपस्थित होते.समन्वयीका डॉ.पूनम जमधडे यांनी वाचन प्रेरणा दिनानिम्मित विचार गाथा या साने गुरुजी लिखित पुस्तकाचे सामूहिक वाचन आयोजीत केलेले होते.या उपक्रमात बी.एड. च्या विद्यार्थ्यांनी साने गुरुजीचे ज्ञाना विषयीचे विचार जाणून घेतले.अध्यक्षीय भाषणात डॉ. केतन चौधरी यांनी डॉ.ए.पी.जे. अब्दुल कलाम यांचे व्हिजन २०२० विषयीचे विचार तसेच त्यांच्या शैक्षणिक विचारावर मार्गदर्शन केले. कार्यक्रमाचे सूत्रसंचालन बी.एड. प्रथम वर्षाची विद्यार्थिनी शिवानी जाधव यांनी केले तर सामुहिक वाचन स्वाती हडप या विद्यार्थिनीने घेतले.तर आभार प्रदर्शन निकिता बारी यांनी केले यावेळी.महाविद्यालयाचे सर्व प्राध्यापक वृंद व विद्यार्थी उपस्थित होते.
